Na Nuvela Passiggera

‘Na Nuvela Passiggera

Nun jastemmà, ca te si' 'nfuse ‘nu poche

Te si’ arrifriscate e manche t’ ‘è sta buone!

‘Nun te preoccupà’,  è sule ‘na nuvela passiggera

’o ciele è ancora serene e l'arie pare cchiù liggera.

Te lamentave ca faceve caure assaje,

‘na staggione accussì, nun s’ere viste maje.

‘Nu poche d’acque, vi’ quanne suspire

Surave e chiammave ajute, pe fine a die.

Mo! te siente ‘nfuse, ma nun fa niente

Nun jastemmà, tienele a mmente

‘na vota sure pe' lu sole ardente,
cocch'ata vota  te mbunne sulamente.

Quanne ce vo’, nce stà’ chi ce penza

S’arape ‘o ciele e l’acque scenne 

a campagne arza ‘o desirie. ‘nu poche d’acque
s'arrefresche l'arie, ca addevente doce e fine.

Se lavene ‘e piante, nascene po ‘e viole

Tutt’attuorne ‘a natura  se repiglie

pure  tu! Te siente ‘e nate  manera,  te vene  voglie

‘e  ripiglià  a faticà cu n’ata vota a meglie a meglie.

comm' è  belle quande chiove dint'a l'està 

 o munne pare ca  do suonne se vo' scetà
nun fa male , fa sule bene, l'arie è cchiù liggera
pecchè è sola 'na nuvele passeggera!

' A Nuvità

 ‘A  Nuvità

Senza vulè, t’agge ‘ncuntrate stammatina ,

 me si apparse quase all‘ intrasàtta

 purtave  cu tico  fatte succiese, pe’ fà’ suspirà,

pecchè tu si uniche, tu si   ‘a nuvità.

Te vanne cercanne pe’ sapè 'a ro’ viene!

pecchè  nun se capacitene comme si arrivate!

“Si t’ ha purtate cocche canuscente

o stive annascuse  già mieze ‘a tutta 'sta gente.

Appene te cunoscene, se parlè sule ‘e te

se spanne  'a voce, ca si tu overamente,

curre veloce  e nisciune te po’ sta’ arete

e tu si cuntente, pecchè se parle ‘e te sulamente.

Tiene ‘nu nomme ca nun se po’ cagnà’

Viene a luntane, viene a vicine, nun fa niente

puorte cu te cose amare, cose allere, ma overe!

Te ponne stravisà’, ma si sempe tu! Si  ‘a nuvità!