'NA Jurnata 'e SoLe

 

‘Na Jurnata ‘e Sole

Ca bella cosa è ‘na jurnata ‘e sole.
Quante te scite e niente te fa male,
nun tiene penziere ca t’affliggene,
nun tiene obblighi ca t’assillene.

Ca bella cosa è ‘na jurnata ‘e sole.
Si tiene rendite e trasute’e denare,
ca te permettene ‘e tenè ‘a panza all’arie,
senza surà, pe t’abbuscà’ ‘nu piezzo ‘e pane.

Ca bella cosa è ‘na jurnata ‘e sole.
Quanne nisciune te cumanne o te ‘nquiete.
E può fa’ ‘e cose, ca te piacene surtante
e, accussì, te siente ‘nu vere pataterne.

Ca bella cosa è ‘na jurnata ‘e sole.
‘A vita t’appare ‘e ‘n ’ata manera.
Te pare ca può risolvere ogne cosa
senza affanne, senza  ca te preoccupà, cchiù ‘e tante.

Ca bella cosa è ‘na jurnata ‘e sole.
Te scuorde de malanne,
te scuorde de l’affanne
E tiene ‘a voglia ’e nun fa niente.

Ca bella cosa è ‘na jurnata ‘e sole.
Si durasse sempe pe ‘na vita ‘ntera,
ma nun po’ essere ‘na cosa vera
E sule ‘nu sonne, e sule ‘na chimera.

'A Notte

 

‘A NOTTE

Quanne ‘o sole sta pe’ fernì’ ‘a jurnata
‘nciele vide ‘e accumparì’ ‘nu chiarore strane
‘o celeste pare, ca se sporche ‘e grigge
‘a notte po’ è pronte p' ascì’, pe’ nun perdere ‘o prestigge.

Accumence a stennere ‘nu lenzuole scure,
a sera, ca leva ogne culore ‘e cose
e chianu chianu ‘ o ciele se fa cupe
e pare ca è arrivate ‘o mumente do’ ripose.

Si ‘o tiempe è serene, tene ‘na bella surprese
‘o lenzuole scure addevente ‘na trapunta ‘e luce accese
e ‘a luna esce pur’ essa, pe’ se va vedè'
mettennese a fa’ ,arete a cocche nuvole, cucù settè.

Ma si ‘o tiempe è malamente
Se fa venì’ ‘o viente a farle cumpagnia
facennele siscà’ alleramente
comme si recitassero ‘nzieme ‘na bella puisia.

‘A notte, se dice, è fatta pe’ durmì’,
pe’ te stennere ‘ncoppa ‘a ‘nu liette.
Pe’ te scurdà’ ‘e turmiente, ca t’affliggene dinte ‘o piette
Cu’ 'nu desiderie ‘e sunnà’ ‘nu munne senza ‘nfamità.

poesie

 

'A COVETA (il raccolto)

 

‘A  Coveta

 

 

Quann’è passat’ ‘a Coveta

miettete l’aneme ‘n pace

nun guardà cchiù areta

chelle ca è fatte e fatte !

 

 

Nun  tenè currive

nun avè rimpiante

quante è passat’ ‘a Coveta

chelle ca è fatte e fatte !

 

 

‘O tiempe è galantomme,

T’ha date cose belle, cose nove,

nun è passate inutilmente

 e ogne anne  parene ca se ripetene ugualmente.

 

 

Te siente ancora ‘nforza,  si ancora aitante,

te crire ‘e essere, ancora, pure ‘mpurtante.

Ma si è passata ‘a Coveta.

te rassignà ,  nun nce pruvà, te faje sule danne.

 

 

‘ E frutte quanne so mature,

so belle, so’ apprezzate

Ma si è passata ‘a Coveta.

nun so’ cchiù  desiderate.

 

 

Pirciò nun te rest ‘ate,

c’ arrennerte suddisfatte

quante è passat’ ‘a Coveta,                                           chelle ca è fatte e fatte !

'Nu Ragge 'e Sole

 

'Nu ragge 'e sole

Comm’‘a ‘ nu ragge ‘e sole
‘nt’ ‘a  ‘na jurnata  d’autunne
se ‘nfile, chianu chianu, e squarce ‘o ciele
e ‘a vita, pare, ca vo’   fa' ritorne.

Accussì  ‘nu surrise sincere
rischiare ‘na jurnata ‘e malicunìe
mettennete ‘nte vene ‘na manìe
‘e vivere ancore cose nove, cose vere.

Pecchè nun t’ agge ‘ncuntrate ‘a primmavera
sarrie state capace ‘e rialarte tanta belli ciure
Invece, mò songhe custrette
a te rialà sule chesti parole scritte.

Nun so parole scritte ‘o viente.
Nun so parole scritte sulamente.
So’ parole sentute overamente,
so’ parole scritte appassiunatamente.

Si comm’ ‘a ‘nu ragge ‘sole,
ca dint’ ‘a ‘na jurnata fredda,
te scarfe, te da ‘nu poche ‘e felicità,
nun te fa male… è senza ‘nfamità.

 

'Nu Sfizie , (o E' 'Nu Vizie

‘NU SFIZIE  (O E’ ‘NU VIZIE ?)

 

 

 

Nun nce sta ‘na cosa cchiù bella, 
               c’‘a dummeneca può fà!

Chelle ‘e piglià’  ‘na fella ‘e pane
               e dint’ ‘a sarza azzuppà’.

Quante ire piccerille iva sfidà’ 
            a mamma toja, annascuse

mò! Ca sì cchiù grosse, ‘e sfidà’ 
               a mugliera ‘mpicciosa.

 

 

 

E’ ‘nu sfizie, ca nun tene prezze

E’ ‘nu sfizie, ca te piace assaje,

‘Stu fatte te riale ‘nu rimprovere sicure,

ma tu ‘o stesse ‘o faje, nun  te ne cure.

 

 

 

Specie si ‘a sarza stà chiane 
                                 chiane pappianne,

 e pa’ casa ‘nu prufume ‘e pummarole 
                                             se spanne,

a vocca te fa po’… desiderà, 
                        e tu ‘e assaggià’ pe’ forza

‘na fella ‘e pane azzuppata 
                    ‘nt’ ‘a sarza cu’ tutt’ ‘a scorza.

 

 

 

“Pecchè ‘o faje, a patete,
                ‘a sarza cu ‘e mulliche nce piace”

Cheste ogne vote avive sentì’,
                                  quant’ ire guaglione.

“ Nun te miette scuorne,
                                   me pare ‘nu criature! “

‘E sentì’ mò! Ca si ,
                       addeventate ‘n’ omme mature.

 

 

 

Nun ‘o sacce si ‘sta cosa succede sule a me!

Ma ‘o tentarragge sempe ‘e fa, pecchè è ‘nu sfizie,

ca po’, doppe tante anne è deventate ‘nu vizie

specie quanne sente l’addore do ‘o raù

 

‘na nzuppate ‘e pane je ma facesse…. E tu?