Uocchie

Spisse l’uocchie parlene
e te dicene cose sincere
ca l’ate nun ponne sentere
specie sì  sentimente vere trasmettene.

Nun dicene parole fauze,
so’ comm' a parole d’ore,
so’  'n’emozione forte,
so’ senzazione ‘e core.

‘Nu brivide po’....... te piglie
e si hanne cugliute ‘o segne
dinte, chianu chiane  ‘o siente
e, te siente assaje cuntente.

Pare ‘nu suonne ddoce
Pare ‘nu suonne amare
Nun saje si ‘sti sguarde so’ pe’ te,
ma si risponne ‘o core
è sule ‘nu messagge.....è vere ammore.

L’uocchie spisse parlene
e quase maje se sbagliene
dicene cose belle - dicene cose amare
ca l’ate nun ponne sentere
pecchè so’ parole ca parlene d’ammore.

Arriva ‘a sere,‘a notte è già vicine
l’oscurità cancelle ogne culore.
Ma quanne scunsulate e afflitte
pienze ca è perdute ogne speranze
‘na luce assaie splendente
(‘st’ uocchie tuoje lucente)
te fanne sentì rinascere.

‘Sta luce accussì forte
so ‘ l’uocchie tuoje pe’ me.
Uocchie ca parlene
ca l’ate nun sentene
pecchè dicene cose ddoce
.............dicene cose amare,
ca sule a te appartenene.