Un' estate a mare di tanti anni fà

Un' estate a mare di tanti anni fà
Dopo una giornata di una pioggia estiva durante un luglio è un trittico di poesie

'a spiaggella 'e villa marina  come era

‘A Spiaggella ‘e Villamarina.

 Nu murzille ‘e spiagge fra duje scoglie annascuse

‘Na lengua ‘e mare ca l’accarezza........     addiruse

‘Nu prufume ‘e oleandre  pe’ l’aria se sente
e, po’………….  ..tutte attuorne se spanne.

‘Nce manche sule  na sirena

 pe' cumpletà’  ‘st’angule ‘e paravise.

Ma po’ all’impruvvise. me scete,

Arape l’uocchie e te veche.

Si, si, è ‘a spiaggella ‘e Villamarina,

ca si putesse, sotte a ‘stu ciele Blù

nun 'a lassarrìe ......... cchiù.

la spiaggetta di Villamarina  (Camerota) come è ora

‘O Ritorne (l'anno dopo)

So’ turnate, n’ata vota,’o stesse poste

agge truvate ‘a stessa spiaggia

agge truvate ‘o stesso mare blù,

   però, nun ‘nce staje… tu!

Agge truvate ‘e stesse piante,

agge truvate ‘o stesse risturante,

 agge truvate ‘o stesse ciele blù,

    però, nun nce staje… tu!

L’aria è sempe ‘a stessa, ‘e primma qualità

‘a gioventù, comm’ ‘a sempe, se dà da’ fa’.

Se saglie , se scenne ,

se perde cocche chile ‘e cchiù,

   però, nun nce staje… tu!

Nun me voglie rassignà', pirciò ogne sera

facenneme  ‘a solita passiggiata,

pensannete, me vulesse spiegà’

pecchè nun te riesche a ‘ncuntrà’

Te veche ‘nte facce ‘e tutte quante

Oglioche, nce stà   ‘o stesse professore,

veche pure don Antonie, Don Salvatore

Veche Marilene, Giovanna, Gabriele

Pe’ fine Enze, ca se crede ‘o chiù belle

e va sempe facenne ‘o solite farenelle.

 Me guarde attuorne, te vache cercanne,

  però, nun nce staje… tu!

Mo .... ! Agge capite, pecchè nun nce staje cchiù!

Si’,..... l’anne passate, ca nun torne cchiù!.

‘A Sirena ( da spiaggella)

Sto’ aspettane, chisà’?, ‘a quanne,
mo’, surtante, so’ sicure.
‘A Sirene ca cercave,
all’intrasatte agge ‘ncuntrate.

L’agge viste dint’ ‘o suonne,
mo’, v’ ‘o diche, mo’, v’ ‘o conte!
Stammatine ‘ncopp’ ‘all’ onne
‘na Sirene è accumparute.

Uocchie azzurre comm’ ‘o ciele,
trecce bionde culor d’ ore,
‘na faccelle tonne e fine
cu ‘na vocche coralline.

Cu ‘na voce doce doce
……………..po’ m’ ha ditte:
: “So venute! Me cercate!
Ma, nun pozze restà' assaje,


Appartenghe a n’ate munne
ca nun devente maje rialtà.
Si me vuò, sempe a te vicine
‘e fà’, sule, ‘nu suspire!
E je corre, subbete, a t’ aiutà
pecchè je so’ …. ‘a serenità".